На 16.09.2015 година, г-ѓа Соња Ѓелова Стојанова беше во работна посета на Амбасадата на Република Македонија во Албанија. На работната средба присутен беше и амбасадорот на Република Македонија во Тирана, г-дин Стојан Карајанов. Нa состанокот се дискутираше околу надлежностите и овластувањата на Советот како независно и самостојно регулаторно тело на ревизијата во Република Македонија.

На ден 12.05.2015 година, Совет за унапредување и надзор на ревизијата на Република Македонија (СУНРРМ) и Министерство за Финансии – Управа за финансиско разузнавање (УФР) потпишаа Меморандум за Соработка. Со Меморандумот се уредува меѓусебната соработка помеѓу СУНРРМ и УФР поврзана со размена и користење на информации и за размена на искуства помеѓу двете институции.