На ден 9-ти и 10-ти декември 2025 година се одржа Четвртиот Регионален форум за обезбедување квалитет на ревизија за регулаторните органите за јавен надзор (POB Forum) кој е организиран во рамките на две водечки програми на Центарот за реформа на финансиското и одржливото известување на Светската банка (CFRR) со седиште во Виена, Австрија: Програмата „Пат кон Европа“ за сметководствена реформа и зајакнување на институциите за мали и средни претпријатија (REPARIS за МСП) и Програмата „Подобрување на сметководството, ревизијата и известувањето за одржливост“ (EAASURE) во Тирана, Албанија
На настанот учествуваа Филип Василески, в.д. Претседателот на Советот и Владо Митев, Марија Кузманов и Маја Панајотова, вработени во стручната служба на Советот.
Форумот е поддржана и од регионалната програма EAASURE, во која се вклучени надлежните органи од 11 земји учеснички: Албанија, Ерменија, Азербејџан, Босна и Херцеговина, Грузија, Косово, Молдавија, Црна Гора, Северна Македонија, Србија и Украина.
Цели на Форумот на органите за јавен надзор беа:
- да се учи од искуството на Албанија во зајакнувањето на капацитетот на релевантните засегнати страни за подобрување, примена и спроведување на корпоративното финансиско известување во согласност со добрите меѓународни стандарди и практики.
- да се слушнат новости од земјите учеснички за резултатите од спроведувањето на реформите во надзорот над ревизијата и планираните активности во следниот период.
- да се дискутираат прашањата покренати во неодамнешниот извештај на CFRR за системите за јавен надзор во ЕУ и Западен Балкан, вклучително и од Европската Унија (ЕУ) за надзор над ревизијата. Овие прашања вклучуваат: независност на членовите на регулаторното тело; назначување и задржување на персоналот(вработените во регулаторното тело); нивоа на плати; резултати од првичните инспекции; справување со правни процеси; и фокусирање на помагање на фирмите, итн.
- да се слушнат новости за најновите случувања во врска со прашањата поврзани со надзорот над ревизијата од надлежните регулаторни органи, вклучувајќи го и Комитетот на европски тела за надзор над ревизијата (CEAOB) на ЕУ и неговите работни групи.
- да се унапреди дискусијата за зголемената улога и влијанието на вештачката интелигенција (ВИ) врз надзорот и регулирањето на ревизијата, како што е вклучувањето на ВИ и други технологии во инспекциите за ревизија.
- Поттикнување на интерактивни и партиципативни дискусии за тоа како да се фокусира надзорот на ревизијата на подобрување на квалитетот на ревизијата, наместо да се фокусира на дисциплински мерки и казни.
Свое излагање имаше Филип Василески – Претседателот на Советот кој ги посочи тековни предизвици во спроведувањето на надзорот на ревизијата, следните планирани чекори, и областите во кои што Светска банка и соодветните институции на ЕУ би можеле да помогнат на национално ниво.